Azərbaycan Reqbi Federasiyasının Prezidenti Elşən Abbasov Reqbi idman növünün inkişafına görə Azərbaycan Respublikasının Gənclər və İdman Nazirliyinin və “Sportsman” jurnalının birgə mükafatı olan “Zəfər” Beynəlxalq İdman Mükafatına layiq görülmüşdür. Bundan dolayı Gənclər və İdman naziri cənab Azad Rəhimova və “Sportsman” jurnalının baş redaktoru Rəşad Qəmərşahoğluna dərin minnətdarlığımızı bildiririk!
Reqbi millimizin sabiq üzvü Nizami Mahmudov karyerasını başa vurduqdan sonra sevimli idman növündən kənarda qalmadı. 35 yaşlı veteran indi əsl kişi idmanı hesab edilən bu növün sirlərini gənc nəslə aşılamaqdadı. Mahmudov “Qarabağ” komandasının baş məşəçi vəzifəsində çalışır. Sport24.az-a verdiyi müsahibədə gənc mütəxəssis komandasının hədəflərindən bəhs etdi.
Canlarını Azərbaycan Respublikasının ərazi bütövlüyü uğrunda qurban vermiş Vətən müharibəsi şəhidlərinin əziz xatirəsi dekabrın 4-də saat 12:00-da bir dəqiqəlik sükutla yad edilib.
Mövzü: Pandemiya və ondan sonrakı dövrdə reqbinin inkişafının təmin edilməsi...(24.11.2020)İclasın onlayn görüşündə ilk çıxış edən Federasiyamızın prezidenti Elşən Abbasov İdarə heyətini salamlamış, iştirakçılara uğurlar arzulamış və gələcək görüləcək işlərlə bağlı fikir mübadiləsi aparmışdır.
Qarabağ həqiqətlərini dünya idman ictimaiyyətinə çatdırmaq məqsədi ilə 90 milli idman təşkilatının qoşularaq qəbul edilmiş bəyanatı hər idman növü üzrə dünya və milli federasiya olmaqla 12000 dən çox elektron ünvana göndərilmişdir. Həmçinin Federasiyamız əsgərlərimizə göndərilən sovqat yardımına da qoşulularaq öz dəstəyini əsirgəməmişdir. Yaşasın Azərbaycan Əsgəri! Yaşasın Azərbaycan! Qarabağ Azərbaycandır!
Gənclər və İdman Nazirliyinin təşkilatçılığı ilə Azərbaycan Reqbi Federasiyası cəbhə bölgəsinə səfər edib.
"Bildiyiniz kimi sentyabrın 27-dən səhər saatlarında işğalçı Ermənistanın hərbi birləşmələri yenidən təxribat törədərək döyüş mövqelərimizi, yaşayış məntəqələrini və dinc insanları hədəfə alaraq ağır artilleriyadan atəşə tutublar. Düşmən ölkə bu günə kimi öz təxribati əməllərindən əl çəkmir. Bu hadisə bir daha Ermənistanın təıcavüzkar niyyətindən əl çəkmədiyini, Azərbaycana qarşı işğal siyasətini davam etmək məqsədində olduğunu bir daha təsdiqləyir".
Reqbi üzrə Azərbaycan Milli komandasının oyuncusu İbrahim Abzatov Vətənimizin keşiyində durmaq üçün könüllü olaraq cəbhəyə yollandı. Azərbaycan Regbi Federasiyası olaraq igid əskərlərimizin tezliklə qalibiyyətlə evlərinə, ailələrinin yanına dönməklərini arzulayırıq!
"Qarabağ" Reqbi Klubu bugünkü məşqini Azərbaycan Ordusuna həsr etdi. 2015-ci ildə klub yaradılarkən biz demişdik ki klubumuz gələcəyin əsgərlərini yətişdirəcək. Həmin gün yetişdi. Fəxrlə qeyd edə bilərik ki "Qarabağ"-ın ilk üzvlərindən olan, Gürcüstan reqbi klublarının diqqət mərkəzinə düşməyi bacaran Nəzər Cəfərov bu gün ən ağır döyüşlərin getdiyi bölgədə düşmənlə üz üzə döyüşür. Nəzərin timsalında bütün əsgər və zabitlərimizlə fəxr edirik! Allah ordumuzu, Vətənimizi qorusun! 
Azərbaycan Reqbi Federasiyasının rəsmi nümayəndəsi, idman ustası Elvar Osmanov bu gün federasiyanın baş ofisində CBC Sport televiziyasına müshibə verib.